tafelberg kerkembleem
Gereformeerde Kerk Bellville
Gereformeerde Kerk Bellville

Die Vreys van Bellville

foto-vreys

Coen saam met Delène, Chrisjan en Delène (jr)

Coen Vrey is in 1965 in Krugersdorp gebore. Hy het sy Laerskool loopbaan in 'n plaasskool op Buhrmansdrift in die Wes-Transvaal begin. In 1983 het Coen aan die Hoër Tegniese Skool Port Elizabeth gematrikuleer. Aan die einde van 1983 het Coen by die Gevangenis Diens begin werk. In 1988 het hy sy studies aan die PU vir CHO begin. In 1990 behaal hy die BA Graad, in 1991 BA Hons (Grieks), in 1992 MA (Grieks), en in 1995 behaal hy die ThB Graad. Aan die begin van 1997 is Coen en Delène in Potchefstroom getroud.

Delène is in 1974 in Potchefstroom gebore. Sy het groot geword in Pretoria. Aan die einde van 1992 matrikuleer sy aan die Hoërskool Oos-Moot. In 1995 behaal sy die BA Graad en in 1996 kwalifiseer sy as onderwyser. Delène het ook haar BEd Hons (Opvoedkundige sielkunde) deeltyds gedoen en behaal die graad in 2011.

Op 1 Maart 1997 is Coen bevestig as predikant in Venterstad. Daar dien hy tot 2000 en daarna in Oudsthoorn (2000 tot 2006) en in Rustenburg-Noordoos (2006 tot 2011) as predikant. Op 24 Julie 2011 is hy in Bellville as predikant bevestig.

Chrisjan is in 1998 in Bloemfontein gebore. Delène (jnr) is in 2001 in Oudtshoorn gebore.